Pesë persona kanë mbetur të lënduar si pasojë e një aksidenti në rrugën Prishtinë-Mitrovicë.
Në aksident janë përfshirë pesë automjete, ku ishte edhe një veturë e Policisë.
Lajmin e ka bërë të ditur zëdhënësja e Policisë për rajonin e Ferizajt, Flora Ahmeti.
“Sot rreth orës 07:30 kemi pranuar informatën se në rrugën Mitrovicë-Prishtinë, ka ndodhur një aksident trafiku me lëndime. Në këtë aksident kanë qenë të përfshira 5 automjete (prej tyre një automjet i policisë). Si pasojë e aksidentit janë lënduar pesë persona’’ u shpreh Ahmeti.
