- Advertisement -
Carlo Ancelotti ka bërë shaka duke thënë se Vinicius Jr ka qarë për tri deri në katër pasi nuk ishte pjesë e listës së lojtarëve të nominuar për çmimin ‘FIFA The Best’.
Tëpremten u publikua lista me dhjetë lojtarët që do të garojnë për çmimin prestigjioz nga FIFA.
“Vinicius ishte duke qarë në dhomën e zhveshjes. Unë e pyeta atë se çfarë është duke ndodhur, dhe ai më tha:’Ata nuk më kanë bërë mua pjesë të listës’. Ai qau për tri ose katër orë dhe ne nuk ishim në gjendje ta ndalnim”, ka thënë italiani me shaka.
Kur u pyet rreth gjendjes së tij tekniku Italian tha: “Rikuperimi është duke shkuar shumë mirë. Ai e ka ngritur intensitetin e stërvitjes dhe javën e ardhshme gradualisht ai do të fillojë stërvitjet me pjesën tjetër të grupit”.
“Unë mendoj se ai do të rikuperohet më shpejtë se sa që mjekët e kanë parashikuar”, ka thënë Ancelotti në intervistën para ndeshjes me Real Sociedad.
Real Madridi do të rikthehet në aksion këtë vikend në La Liga ku do presë në “Santiago Bernabeu” ekipin e Real Sociedadit./Telegrafi/
