- Advertisement -
Ish-kryetari i Komunës së Prishtinës, Shpend Ahmeti, i ka dalë me një reagim lidhur me vendimin e kryeministrit Albin Kurti, i cili urdhëroi Agjencinë Kadastrale t’ia regjistrojë pronën Manastirit të Deçanit.
Ahmeti ka pyetur se nëse ky vendim është i keq dhe i dëmshëm, cili do të ishte vendimi i mirë dhe i dobishëm për Kosovën, derisa ka thënë se ata që po thirren në interes publik i “kanë masakru pronat shoqërore vetë”.
“Në qoftë se ky vendim për Manastirin është i keq dhe i dëmshëm cili do të ishte vendimi i mirë dhe i dobishëm për neve? Kthimi i pronave te dy ndërmarrjeve shoqërore të menagjuara nga APK? Privatizim? Qëta që po thirren në interes publik i kane masakru pronat shoqërore vetë”, ka shkruar Ahmeti.
