Ish-kryetari i Prishtinës, Shpend Ahmeti ka thënë se heqja e tarifës 10 për qind për produktet amerikane ka rëndësi politike, pasi shtetet tjera po i reagojnë negativisht administratës Trump.
Në një shkrim në llogarinë e tij në “X”, ai ka thënë se ky vendim nuk ka rëndësi ekonomike, por politike.
“Heqja e tarifës 10 përqind nga Kosova për prodhimet amerikane nuk ka fare rëndësi ekonomike për ShBA. Mirëpo, në kohën kur krejt reagimet e shteteve janë negative ndaj administratës së Trumpit, një vendim i tillë ka rëndësi politike për Trump. Prandaj është vendim i rëndësishëm” – ka shkruar ai.
Theksojmë se presidentja Vjosa Osmani dhe partitë opozitare kanë kërkuar që kjo tarifë të largohet, vendim të cilin Qeveria në detyrë ka thënë se “po e shqyrton”.
