Agjenti i Estevaos zbulon pse ylli brazilian zgjodhi Chelsean para Real Madridit

13:44 | 27/11/2025

12

- Advertisement -

Agjenti i Estevaos, Andre Cury, ka zbuluar faktorët kyç që “pëshuan rëndë” në vendimin e klientit të tij për t’iu bashkuar Chelseat, pavarësisht interesimit nga klube të tjera.

Që prej mbërritjes nga Palmeiras në verë, Estevao ka qenë një nga lojtarët më të spikatur të Chelseat, edhe pse në Ligën Premier është aktivizuar kryesisht si zëvendësues.

Adoleshenti ka shënuar pesë gola në 11 ndeshje në të gjitha kompeticionet për “Blutë”, me golin e mrekullueshëm solo ndaj Barcelonës në Ligën e Kampionëve të martën mbrëma që dallohet mbi të tjerët.

Para paraqitjes së tij fantastike të së martës, u raportua se Real Madridi ka “pendesë” që nuk arriti të siguronte shërbimet e talentit brazilian.

Një numër klubesh europiane ishin të lidhura me një lëvizje për 18-vjeçarin, përfshirë Arsenalin, Barcelonën dhe Real Madridin, të cilat e kishin analizuar lojtarin që gjatë kohës së tij te Palmeiras.

Estevao

Andre Cury, agjenti i Estevaos, ka zbuluar më herët se gatishmëria e Chelseat për t’i dhënë lojtarit mundësinë të luajë në një rol më qendror si mesfushor ofensiv ishte një faktor vendimtar pas transferimit.

“Ishte i vetmi klub që na pa si numër 10, për të luajtur në mesfushë. Mund të jem gabim, por do të kemi mundësinë. Mendoj se do të kemi të drejtë, kështu që kjo ishte diçka që peshoi gjithashtu rëndë”, tha Cury për O Globo.

Cury beson se pozicioni më i mirë i Estevaos është në qendër.

“Sipas mendimit tim, në ekipin tim ai luan si numër dhjetë. Atyre u pëlqen ta vendosin në krah. Mendoj se është shumë e gabaur për një lojtar me atë cilësi; si të gjithë lojtarët e atij niveli në botë, ai zakonisht është numri 10, pra numri 10 luan brenda”, përfundoi ai.