Ekrem Hyseni, ish-kandidati i LDK-së për kryetar të Komunës së Podujevës, është zgjedhur kryetar i LDK-së në këtë komunë.

Kjo i dha fund përpjekjeve të ish-kryetarit shumëvjeçar të partisë dhe të komunës, Agim Veliu për t’u rikthyer në ‘fron’.

Gazeta Express ka kuptuar se Veliu e ka lëshuar sallën e Kuvendit zgjedhor pasi ka kuptuar që Hyseni ka fituar me 90 vota.

Në vitin 2020, Veliu ishte emëruar Ministër i Brendshëm në Qeverinë Kurti I, për t’u shkarkuar në mënyrë spektakulare, shkarkim që çoi në rënien e qeverisë.

Veliu për vite me rrallë ka qenë figura kyqe LDK-së në Podujevë, si dhe e ka drejtuar këtë komunë. Ndikimi i tij ishte për dhjetëra vite me radhë jashtëzakonisht i madh edhe në LDK në nivel nacional.