Agim Ademi pas fitores historike ndaj Sllovenisë: “Kosovë lujta, jemi në Play-Off!”
Presidenti i Federatës së Futbollit të Kosovës, Agim Ademi, ka reaguar menjëherë pas fitores madhështore të Kosovës ndaj Sllovenisë, fitore që i siguroi “Dardanëve” vendin në Play-Off të kualifikimeve për Kupën e Botës 2026.
“Urime Kosovë! Historia vazhdon, jemi në Play-Off të kualifikimeve për Kupën e Botës 2026!”, shkroi Ademi, duke e cilësuar këtë arritje si një sukses të jashtëzakonshëm që pak kush e kishte besuar në fillim të ciklit.
Ademi u shpreh krenar me futbollistët, stafin teknik dhe të gjithë mbështetësit dardanë kudo në botë, duke përgëzuar veçanërisht punën e selektorit Franco Foda dhe shpirtin luftarak të ekipit.
Lista e futbollistëve që kontribuuan në këtë kampanjë përmblidhet me emra si:
Aro Muriç, Amir Shaipi, Visar Bekaj, Faton Maloku, Albian Hajdari, Amir Rrahmani, Lumbardh Dellova, Dion Gallapeni, Mërgim Vojvoda, Kreshnik Hajrizi, Fidan Aliti, Leard Sadriu, Baton Zabërgja, Leon Avdullahu, Ilir Krasniqi, Elvis Rexhbeçaj, Milot Rashica, Florent Muslija, Lindon Emërllahu, Meriton Korenica, Valon Berisha, Edon Zhegrova, Ermal Krasniqi, Veldin Hoxha, Muharrem Jashari, Albion Rrahmani, Vedat Muriqi dhe Fisnik Asllani.
Presidenti Ademi falënderoi gjithashtu të gjithë ata që kanë veshur fanellën dardane gjatë këtij cikli, qoftë edhe në një grumbullim të vetëm, duke theksuar se misioni i sotëm është ëndërruar nga gjenerata të tëra.
“Rrugëtimi drejt ëndrrës së madhe vazhdon, me vlerat, karakterin dhe shpirtin luftarak që na identifikon. Nëntori ka qenë muaj i ngjarjeve historike për popullin tonë dhe sot shkruam një tjetër faqe të re. Forca Kosovë!” – përmbylli Ademi.
Postimi i plotë:
🇽🇰 Kosovë lujta, jemi në Play Off.
Urime Kosovë! 🎉
Historia vazhdon, jemi në “Play-Off” të kualifikimeve për Kupën e Botës 2026! ⚽️💪
Ky është një sukses i jashtëzakonshëm për Kombëtaren tonë, një objektiv për të cilin pakkush besoi në fillim të këtij cikli, por që djemtë tanë e realizuan me punë, përkushtim dhe besim të palëkundur.
Krenar me futbollistët tanë, me stafin e Kombëtares në krye me strategun Franco Foda dhe me çdo mbështetës dardan, në Kosovë dhe kudo në botë.
Aro Muriç, Amir Shaipi, Visar Bekaj, Faton Maloku, Albian Hajdari, Amir Rrahmani, Lumbardh Dellova, Dion Gallapeni, Mërgim Vojvoda, Kreshnik Hajrizi, Fidan Aliti, Leard Sadriu, Baton Zabërgja, Leon Avdullahu, Ilir Krasniqi, Elvis Rexhbeçaj, Milot Rashica, Florent Muslija, Lindon Emërllahu, Meriton Korenica, Valon Berisha, Edon Zhegrova, Ermal Krasniqi, Veldin Hoxha, Muharrem Jashari, Albion Rrahmani, Vedat Muriqi dhe Fisnik Asllani ju faleminderit për shpirtin, për besimin dhe për energjinë që i jepni Kombëtares së Kosovës.
Mirënjohje për të gjithë ata që ishin pjesë e fanellës dardane qoftë edhe në një grumbullim, por faleminderit pafundësisht trimave tanë që sot e përmbushën misionin tonë, të cilin e kanë ëndrruar gjenerata të tëra që nga koha e sakrificës e deri më sot.
Rrugëtimi ynë drejt ëndrrës së madhe vazhdon, me vlerat, me karakterin dhe me shpirtin luftarak që na identifikon.
Nëntori ka qenë gjithmonë muaj i ngjarjeve historike për popullin tonë dhe sot ne shkruam një tjetër faqe të rëndësishme.
Forca Kosovë! 🇽🇰🔥
