Nē lidhje me skandalin financiar ku është i përfshirë ambasadori kosovar në Zagreb, Martin Berishaj, ka reaguar përsëri ish-kryeministri slloven, Janez Jansha.

Në Twitter, ai ka ka kërkuar komision hetimor për të hetuar dyshimet për korrupsion të lidhur me kompaninë energjetike GEN-i.

“Kur qeveria sllovene bën titujt e mediave”, shkroi Jansha.

Aty ai ka ndarë titujt për skandalin financiar të bashkëngjitur me fotografitë e kryeministrit të Kosovës, Albin Kurti dhe atij të Sllovenisë, Robert Golob.

“Me sa duket, të gjitha parlamentet në Ballkan do të krijojnë komisione hetimore për korrupsion të dyshuar në lidhje me #GENi më shpejt se ai slloven. Prej majit kot presim 3 firmat e premtuara nga koalicioni Nova Slovenija”, tha ai.