Adnan Merovci është një prej njerëzve që ka qëndruar më së afërmi ish-presidentit Ibrahim Rugova.
Pas vdekjes së presidentit, Merovci flet me kompetencë të plotë për figurën e tij, duke shpalosur shumë detaje nga jeta e tij private dhe angazhimi politik e diplomatik.
Madje, Merovci ka të botuar edhe një libër, të titulluar “Në hap me Rugovën”.
Merovci njihet si truprojë e ish-presidentit Rugova, megjithatë, me kalimin e viteve afër tij, roli i tij kishte marrë rëndësi më të madhe.
Ai ishte edhe njohës dhe praktikues i arteve marciale, që e justifikon angazhimin e tij në aspektin e sigurisë për ish-presidentin.
Ai, sonte, e ka publikuar edhe një fotografi të realizuar në vitin 1982 në Dubrovnik, duke praktikuar artet marciale.
“Foto për trip!”, ka shkruar Merovci.
