Presidenti Agim Ademi ka thënë sot se fusha e stadiumit “Fadil Vokrri” është në gjendje të shkëlqyeshme, falë përkushtimit dhe punës së vazhdueshme të ekipit të mirëmbajtjes
“Fusha e stadiumit “Fadil Vokrri” është në gjendje të shkëlqyeshme, falë përkushtimit dhe punës së vazhdueshme të ekipit të mirëmbajtjes”, ka shkruar numri një i FFK, Agim Ademi, transmeton Scanner.
Sipas tij, çdo detaj po trajtohet me kujdes, me qëllim që të sigurohet një sipërfaqe loje në standarde të larta, e gatshme për ndeshje të rëndësishme.
“Kjo fushë do të jetë nikoqire e finales së Kupës së Kosovës për meshkuj dhe femra, që do të zhvillohen në prag të ndeshjeve miqësore të Kombëtares A në muajin qershor.
Përgatitjet janë drejt përfundimit, me qëllim që çdo aktivitet të zhvillohet në kushte ideale dhe atmosferë dinjitoze për futbollin kosovar”, ka shkruar Ademi në Facebook.
