Përgatitjet e ethshme për ceremoninë e kurorëzimit të Mbretit Charles III janë duke u zhvilluar dhe çdo ditë po publikohen informacione se cili prej yjeve të showbiz-it ndërkombëtar do të jenë të pranishëm.
Aktori i njohur Tom Crusie përflitet se ka anuluar xhirimet për filmat vetëm për të marrë pjesë në kurorëzimin e mbretit më 6 maj, por artistë si Adele dhe Ed Sheeran kanë refuzuar të shkojnë.
Sipas asaj që shkruajnë mediat e huaja, Mbreti Charles u kishte rekomanduar organizatorëve të ceremonisë disa emra artistësh që do të dëshironte të merrte pjesë dhe mes shumë emrave ishin edhe këta dy artistë.
Por mesa duket dëshira e Mbretit nuk do të realizohet. Artsitja Adele nuk ka dhënë një arsye konkrete për refuzimin e këtij propozimi ndërsa këngëtari Sheeran do të jetë në Teksas për të realizuar koncertet e planifikuara.
Ndër këngëtarët që aludohet se do të performojnë janë Harry Styles dhe grupi i njohur i vajzave “Spice Girls”.
