6.9 C
New York
Sunday, November 30, 2025

Buy now

Abdixhiku: Vuk Hamoviqi fiton miliona euro nga rryma, VV-ja provon me fsheh – patriotizëm fals

- Advertisement -

Kryetari i Lidhjes Demokratike të Kosovës, Lumir Abdixhiku, ka thënë se Lëvizja Vetëvendosje dhe anëtarët e saj kanë patriotizëm fals.

Në një takim me Degën e LDK-së në Prizren, Abdixhiku ka kërkuar që të mobilizohen dhe të tregojnë problemet që i ka vendi, që sipas tij, i ka shkaktuar LVV-ja.

“Neve krejt këtu na thonë po doni ta ktheni Serbinë në Kosovë, po kush do ta kthejë Serbinë në Kosovë? Këta i kanë gjashtë vite në krye të Qeverisë dhe rezultatet i keni katastrofale. Çmimet po rriten, rryma, tani fatura tash ju vjen edhe më e shtrenjtë e atje Vuk Hamoviqi po përfiton miliona pare nga Kosova të importit të energjisë elektrike, të cilën këta provojnë me e fsheh”.

Ai kërkoi nga prizrenasit që fatin e Republikës mos t’ua lënë dikujt që ka për qëllim rrënimin e shtyllave identitare të Kosovës.

“Edhe dje edhe sot nga 300 apo 400 mijë euro në ditë t’i fitojnë, pra ky është patriotizmi fals i tyre. Prandaj ju lus që të mobilizoheni fortë dhe tregoni saktë se ku i keni problemet, s’i duhet t’u qasemi këtyre problemeve. Po të mos e lëmë për asnjë moment, të mos e lëmë për asnjë moment që fatin e Republikës sonë t’ua lëmë dikujt që nuk kupton politikisht dhe ka qëllim rrënimin e shtyllave identitare të Republikës së Kosovës”, ka thënë Abdixhiku.

Të ngjashme

Të fundit