Kryetari i LDK-së, Lumir Abdixhiku, ka treguar se ka vizituar kompaninë inovative ku punojnë 200 punëtorë më moshë mesatare 23 vjet dhe rroga mesatare është katër herë më e madhe se mesatarja në Kosovë.
Abdixhiku tregon punën që bëjnë themeluesit e kësaj kompanie, që njëherësh ajnë edhe themelues të “Shkollës Digjitale në Prishtinë” ku mësojnë kodim dhe programimin mbi 10 mijë nxnënës.
Ky është shkrimi i plotë i Abdixhikut:
Hana Qerimi dhe Darsej Rizaj, janë themelues dhe udhëheqës të “StarLabs” dhe “Shkollës Digjitale në Prishtinë”. Ata kishin nisur kompanitë e tyre në vitin 2017, duke lënë anash secilin angazhim tjetër.
Gjashtë vjet më pas, ata punësojnë mbi 200 punëtorë, me pagë katër fish më të lartë se mesatarja në Kosovë. Mosha mesatare e punëtorëve është vetëm 23 vjeç. Të rinj e të reja, programerë, me talent të jashtëzakonshëm, që bëjnë ‘outsorcing’ për kompani të ndryshme botërore nga zyrat e tyre në lagjen Pejton.
Shkolla ndërsa, vetëm në Prishtinë, ka mbi 1,400 nxënës. Aty, çdo ditë, fëmijë që nga mosha 8 vjeçare, mësojnë për kodim e programim. Kjo shkollë, ka mbi 10.000 nxënës nëpër gjithë botën. Gjithçka e nisur në Prishtinë.
Këtë tregim të jashtëzakonshëm suksesi, e vizitova sot me bashkëpunëtorë. Me Hanën e Darsejin, biseduam për potencialin e madh që sektori i IT-së ka sot në Kosovë. Folëm, në veçanti, se si modelin e tyre shkollor, ta amplifikojmë në gjithë sistemin edukativ në Kosovë. Që lënda e kodimit, të bëhet pjesë e kurikulës sonë shkollore – që nga klasat e para. Prandaj ne në planin tonë, në këtë temë, kemi paraparë:
– Fond kombëtar për modernizimin e laboratorëve shkollor;
– Krijimin e ligjëruesve programerë;
– Futjen e lëndës së kodimit në edukimin fillor.
Si akter politik, duhet të jemi në hap me zhvillimet e kohës. Teknologjia informative, sektori në tërësi, janë zgjidhje për të ardhmen e të rinjve tanë.
