- Advertisement -
Kandidati për kryeministër nga Lidhja Demokratike e Kosovës, Lumir Abdixhiku, gjatë takimit me bizneset më të mëdha të vendit, ku prezantoi projektet kryesore, tha se synim i LDK-së është rritja ekonomike prej 5%, 5 miliardë euro buxhet si dhe 5 miliardë euro investime publike, në vetëm katër vite.
Ai tha se viti 2025 duhet ta gjejë vendin me tjetër shkollë të mendimit politik.
“Viti 2025, dekada jonë e dekada në vijim, duhet të na gjejë me tjetër shkollë të mendimit politik! Synimi ynë është për 5% rritje ekonomike, 5 miliardë euro buxhet, e 5 miliardë euro investime publike në vetëm katër vjet!”, ka deklaruar Abdixhiku para bizneseve.
