Fjala e kryetarit të LDK-së, Lumir Abdixhiku, në seancën solemne për nder të 15- vjetorit të shpalljes së pavarësisë së Kosovës, ishte vetë jeta dhe e kaluara e shqiptarëve.
“Udhëkryqet sfiduese” që ai i paraqiti ishin vetë udhëkryqet e popullit tonë.
Në fjalimin e tij ishte vetë jeta e tij si e çdo shqiptari, andaj sot Abdixhiku ka kujtuar e nderuar çdo shtëpi shqiptare.
Ai foli për udhëkryqin e nxënësve e të mësuesve, të varfërve e ndihmësve, të vrarëve e të dhunuarave, të gjeturve e të pagjeturve.
Foli për rolin e veçantë të Presidentit Rugova, familjes Jashari, luftës çlirimtare dhe mbështetjen e miqve ndërkombëtarë.
Ai foli për të gjithë që bënë gjithçka për lirinë e pavarësinë e Kosovës.
Në fund të fjalës së tij, Abdixhiku tha se rrugëtimi ynë si shtet krenar, me njerëz të jashtëzakonshëm e të ardhme të ndritshme do të vazhdojë.
