Abdixhiku kujton Pajazitin, Zejnullahun dhe Hoxhën: Ishte një goditje e rënd për luftën tonë të drejtë

Kryetari i Lidhjes Demokratike të Kosovës, Lumir Abdixhiku ka përkujtuar Zahir Pajazitin, Hakif Zejnullahun dhe Edmond Hoxhën në 27 vjetorin e rënies së tyre.

Këtë e ka ndarë përmes një postimi në Facebook, në faqen e Lidhjes Demokratike të Kosovës.

“27 vjet më parë, okupatori kishte organizuar një pritë ndaj trimave të lirisë e pavarësisë, me ç’rast edhe ra heroikisht njëri ndër themeluesit dhe komandantët më të shquar të Ushtrisë Çlirimtare të Kosovës, Zahir Pajaziti, bashkë me heronjtë Hakif Zejnullahu dhe Edmond Hoxha”, ka shkruar Abdixhiku.

Vrasjen e tyre, Abdixhiku e ka konsideruar si një goditje të rëndë për luftën tonë të drejtë.