Jehona Lushaku nga Lidhja Demokratike e Kosovës tha se kryetari i kësaj partie Lumir Abdixhiku i ka bë ftesë Këshillit të Përgjithshëm që të shkojnë në “votëbesim të kryetarit”.
Lushaku ndau detaje nga mbledhja e LDK-së ekskluzivisht në Pressing në T7.
“Ne kemi garu për me qenë partia e parë edhe kemi mendu që i kemi plotësu krejt për me qenë partia e parë. Tash pjesën e përgjegjësisë e ka marrë kryetari, bile ju ka bë ftesë që të shkojmë në votëbesim në Këshillin e Përgjithshëm dhe në Kuvend. Në Kryesi, kryetari Abdixhiku ishte për votëbesim në organet e partisë”, tha Lushaku në Pressing në T7.
E pyetur se cili ka qenë qëndrimi i anëtarëve të kryesisë lidhur me propozimin e Abdixhikut, ajo tha: “E kanë gjyku si diçka si të parëndësishme”.
“Përfshirë edhe z.Hoti”, vijoi pyetja e Kërqukit, Lushtaku u përgjigj: “Ai ka dalë s’ka qenë deri në fundin e mbledhjes”.
