Kryetari i LDK-së, Lumir Abdixhiku, i shoqëruar nga kryetari i Prishtinës, Përparim Rama dhe kryetari i Degës së partisë në Podujevë, kanë qëndruar bashkë në këtë qytet.
Abdixhiku tha se me këtë rast ka pirë “çaj Llapi”, e edhe ka bërë një ecje nëpër shesh me njerëz që, sipas tij, mbajnë LDK-në gjallë çdo ditë.
“Një e shtunë në Podujevë. Një çaj llapi, ecje sheshi dhe një takim me njerëz që mbajnë LDK-në gjallë çdo ditë; në kohë të mira e në kohë të vështira, pa kushte e pa llogari”, tha kreu i LDK-së.
Ai tha se dyert e partisë do të mbeten gjithmonë të hapura për secilin që beson, që jep dhe që kontribuon me zemër “për këtë shtëpi të përbashkët”.
“Faleminderit Podujevës dhe qytetarëve për ngrohtësinë, respektin dhe pritjen”, shkroi Lumir Abdixhiku.
