- Advertisement -
Aleanca për Ardhmërinë e Kosovës (AAK), përmes Departamentit për Ujë dhe Politika Mjedisore, prezanton iniciativë inovative për menaxhimin dhe shfrytëzimin e ujërave atmosferike, duke adresuar sfidat që ndryshimet klimatike po sjellin në Kosovë.
“Një nga masat kryesore të propozuara në program është që çdo njësi banimi, institucion apo biznes të pajiset me një Sistem për Vjeljen e Ujërave Atmosferike (HWS), i cili mund të mbledhë ujërat nga pullazet, sipërfaqet e trotuarve, rrugët e asfaltuara dhe ato të betonit. Ky komponent do të mundësojë menaxhimin më të qëndrueshëm të ujërave atmosferike dhe do të kontribuojë në uljen e rrezikut të përmbytjeve urbane”, thuhet në komunikatë.
