Lulëzim Blaka nga AAK, ka shpërthyer me kritika të ashpra ndaj Agim Bahtirit, duke e akuzuar atë për dëmtim të vlerave kombëtare dhe kulturës politike në Kosovë. Në një postim të drejtpërdrejtë në Facebook, Blaka e quan Bahtirin “horr ordiner” dhe “palaço” që përfaqëson një nivel të ulët të qeverisjes.
Në deklaratën e tij, Blaka sugjeron se vendi po përjeton pasoja të rënda politike dhe sigurie për shkak të lejimit të politikanëve si Bahtiri të vijnë në pozita udhëheqëse. Ai pretendon se kur politikanë të tillë marrin hapësirë publike, vendi bëhet pre e terrorizmit dhe destabilizimit.
Sulmi verbal përfshin akuza të forta se Bahtirit i mungojnë plotësisht vlerat njerëzore dhe kombëtare, duke e cilësuar atë si krejtësisht të papërshtatshëm për të folur mbi çështje si patriotizmi dhe sakrifica.
Ky vend sulmohet me terrorizëm dhe eksplozivë kur gënjeshtarëve patologjikë dhe vallëzuesve të kafehaneve të Shumadisë, si Agim Bahtiri, u krijohet hapësirë për të dalë në prominencë dhe për të qeverisur.
A ka më mjerim sesa kur Agim Bahtiri flet për patriotizëm, sakrificë apo çfarëdo që është bujare dhe fisnike?
Asnjë vlerë njerëzore nuk e ke, Agim Bahtiri, përveçse je një horr ordiner. Agim Bahtiri, ti asnjë element kombëtar nuk e ke për të bërë ndonjë vlerësim për këdo. Je një palaço që shpreh mjerimin e kulturës politike që sot udhëheq me Kosovën. Harrova: Agim ti je edhe budall.
