Një aspekt serioz i përplasjes Musk-Trump ishte kërcënimi i Elon Musk për të anuluar programin e raketës Dragon, i cili është mënyra e vetme që astronautët amerikanë të udhëtojnë drejt dhe nga Stacioni Ndërkombëtar Hapësinor duke u nisur nga toka amerikane.
Ky kërcënim, i cili më vonë u tërhoq dukshëm, çoi një nga ndjekësit të Donald Trump, Steve Bannon, që të kërkonte që SpaceX të “sekuestrohej” sipas diçkaje të quajtur Akti për Prodhimin e Mbrojtjes (Defense Production Act – DPA).
Por çfarë është ky akt? Ai u miratua gjatë Luftës së Koresë dhe i jep presidentit kompetenca të gjera për të detyruar biznese të sektorit privat të prodhojnë materiale emergjente për qëllimet e mbrojtjes dhe sigurisë kombëtare të Amerikës. Ai gjithashtu i lejon qeverisë të detyrojë kompanitë të pranojnë kontratat e saj.
Megjithatë, ky nuk është një ligj i harruar në ndonjë raft me pluhur – është përdorur rregullisht pas katastrofave natyrore, gjatë luftës në Irak dhe së fundmi brenda pesë viteve të fundit nga vetë Donald Trump.
Ai e përdori atë për të rritur furnizimet mjekësore gjatë pandemisë së Covid-it – duke urdhëruar në një moment General Motors të prodhonte respiratorë.
Sidoqoftë, ky akt me shumë gjasë nuk e lejon sekuestrimin e një kompanie në mënyrën që kërkoi Bannon.
Megjithatë, Elon Musk ndoshta e kishte parasysh DPA-në kur u tërhoq nga kërcënimi i tij për të anuluar menjëherë programin e raketave.
Analizë e BBC, përkthyer nga Nacionale.
