Deputeti i VV-së, Arbër Rexhaj është deklaruar për media pak para vazhdimit të seancës konstituive sot në Kuvendin e Kosovës.
Ai tha se kryeministri në detyrë, Albin Kurti e ka emrin e kryeparlamentarit, teksa shtoi se I kanë nurmat për konstituimin e Kuvendit.
“I kemi numrat për ta bërë këtë gjë, i takon edhe kryeministrit, qoftë emri i parlamentarit, qoftë edhe përbërja e kabinetit qeveritar. [Emrin e kryeparlamentarit] jemi duke e biseduar. Sigurisht kryeministri e ka, dhe natyrisht atë do të shpalos para qytetarëve në formën më transparente të mundshme. Tash unë nuk mundem ta them emrin, se i takon edhe kryeministrit të Republikës së Kosovës, Albin Kurti”.
I pyetur se a kanë ndonjë marrëveshje me NISMA-n, ai tha se “zyrtarisht nuk kemi asgjë”.
