Agjërimi gjatë muajit të Ramazanit mund të sjellë shumë përfitime në aspektin e shëndetit fizik dhe mendor. Duke respektuar agjërimin gjatë ditës, trupi merr pushim nga tretja e vazhdueshme, gjë që mund të ndihmojë në përmirësimin e funksionit metabolik dhe promovimin e shëndetit dhe mirëqenies së përgjithshme. Një nga përfitimet e para shëndetësore të agjërimit në Ramazan është se ndihmon në humbjen e peshës dhe përmirësimin e metabolizmit.
Ka disa rregulla të tjera që duhen ndjekur në mënyrë që agjërimi të jetë i vlefshëm. Drejtori Ekzekutiv Muslim Charity Right, Sajad Mahmood thotë se agjërimi gjatë Ramazanit është jashtëzakonisht i rëndësishëm, pasi është një kohë për të përmirësuar lidhjen me Zotin dhe një kohë për vetëkontroll.
Ramazani është një muaj që duhet të shërbejë si muaj i ‘stërvitjes’ shpirtërore për pjesën tjetër të vitit. Qëllimi i Ramazanit është t’ju ndihmojë të krijoni zakone të mira për pjesën tjetër të vitit, në mënyrë që të jeni më të fortë shpirtërisht dhe mendërisht se sa keni qenë më parë.
Ka rregulla edhe në lidhje me marrëdhëniet intime gjatë këtij muaji. Shumë mund të pyesin nëse seksi lejohet gjatë Ramazanit. A lejohen marrëdhëniet intime gjatë Ramazanit?
Realiteti është se shumë besimtarë pavarësisht statusit të tyre martesor mund të jenë seksualisht aktivë gjatë muajit të Ramazanit. Megjithatë, ajo që lejohet dhe nuk lejohet ka të bëjë me orët e agjërimit. Gjatë agjërimit, seksi është i ndaluar. Pasi të përfundojë agjërimi për ditën, marrëdhëniet intime lejohen derisa të rifillojë agjërimi në ditën tjetër. Përqafimi dhe puthja lejohen ndërmjet bashkëshortëve gjatë orëve të ditës përderisa nuk çon në më shumë se kaq.
Ndërkaq, a e keni menduar ndonjëherë se çfarë duhet të bëni për të treguar respekt ndaj miqve apo familjarëve që agjërojnë? Për 30 ditët në vazhdim, myslimanët nuk do të konsumojnë as ushqim e as pije nga lindja e diellit e deri në perëndim, por kjo nuk do të thotë që jeta nuk vazhdon normalisht. Thjesht përpiquni të mos lini një drekë pune. Nëse kolegu juaj mysliman refuzon të vijë, tregohuni të kuptueshëm.
