Aduhet të flini lakuriq apo të vishni pizhame në shtrat? Secili ka preferencën e tij personale. Gjithsesi, edhe nëse mbani pizhame, duhet të mendoni të shkoni në shtrat pa të brendshme.
Përfitimet shëndetësore të gjumit pa të brendshme
Lagështia e tepërt rreth organeve gjenitale mund të çojë në rritje të infeksioneve, acarim dhe ndryshime të pehashit për shkak të rritjes së tepërt bakteriale. Mënyra më e mirë për ta parandaluar këtë është të lini pak kohë që gjithçka të ajroset dhe të qëndrojë e thatë. Fjetja me mbulesa, pizhame apo rroba të ngushta dhe të brendshme mund të çojnë në akumulim edhe më shumë të lagështisë. Veshja e të brendshmeve e mban atë lagështi afër organeve tuaja gjenitale. Kjo lejon që bakteret të rriten, të cilat mund të shkaktojnë infeksione dhe probleme të tjera. Lejimi i rritjes së lagështirës mund t’i përkeqësojë këto kushte, kështu që mund t’ju ndihmojë t’i jepni zonës tuaj intime pak kohë pa të brendshme.
Arsyet e tjera për të hequr dorë nga të brendshmet gjatë natës
Nëse jeni shumë aktivë ose jeni të djersitur gjatë ditës, konsideroni të anashkaloni të brendshmet gjatë natës për të njëjtat arsye si më sipër. Gjithashtu, veshja e të brendshmeve me dantella apo jo pambuk ose përdorimi i veshjeve të brendshme gjatë ditës, nuk lejon shumë ajrin. Kjo mund të shkaktojë akumulim lagështie gjatë ditës. Kalimi në të brendshme pambuku gjatë natës mund të ndihmojë, por zgjidhja më e mirë është të flini pa të brendshme dhe të vishni pizhame të lirshme.
