A do të rikthehet Mourinho në krye të Real Madridit?

Jose Mourinho raportohet se është kandidat për të marrë drejtimin e Real Madridit në fund të këtij sezoni.

Carlo Ancelotti dhe ‘Los Blancos’ duket së në fund të këtij kampionati do t’i ndajnë rrugët.

Strategu italian është afër të dështojë të mbrojë titullin e La Ligës, derisa është eliminuar nga Superkupa e Spanjës dhe është afër të eliminohet edhe nga Kupa e Mbretit.

Gazetari spanjoll Oier Fano Dadebat ka shkruar se Jose Mourinho ka shanse të mëdha që të rikthehet në “Santiago Bernabeu”.

Mourinho më gjasë do të largohet nga AS Roma në fund të këtij edicioni, pasi që ‘romakët’ nuk po ia plotësojnë kërkesat për transferime, shkaku i buxhetit jo garues me skuadrat tjera.

Rikthimi i teknikut portugez në Madrid thuhet se është opsion i mundshëm.