Sondazhi i fundit i publikuar nga kompania UBO ka ngjallur reagime, pasi nxori fituese Vetëvendosjen. Por këto sondazhe sipas profesorit të komunikimit politik, po bëhen me qëllim të ndikimi tek qytetarët. Por kërkohet që partitë politike të i përdorin me shumë rezultatet potenciale të këtyre sondazheve për qëllime të brendshme.
Ka mbetur më pak se dy muaj deri tek zgjedhjet e rregullta parlamentare.
E derisa ditët po afrohen, kur qytetarët do të vendosin se kush do të udhëheqë vendin për 4 vjetët e ardhshme, shtohen sondazhet për fituesin potencial.
Së fundmi një sondazh i cili bëri bujë në opinionin publik, është ai i kompanisë UBO i cili nxori fitues Vetëvendosjen.
Por ky nuk është sondazhi i parë i bërë, madje secila parti ka deklaruar se kanë bërë sondazhe të brendshme.
E këto sipas profesorit universitar, Arben Fetoshi kanë një qëllim.
“Sondazhet në këtë parafushatë po përdoren si instrumente për ndikim të opinionit publik, me qëllim që ta influencojnë rezultatin e zgjedhjeve të 9 shkurtit e sa përket besueshmërisë mendoj që ka të bëjë me dy probleme, që lidhen me metodologjinë dhe me autorësinë. Ka të bëjë edhe me porositësin e sondazhit pasi kjo nuk është thënë asnjëherë e që i bijë në qoftë se kemi të bëjë me porosi të hulumtimi nga subjekte të caktuara normalisht që ajo është pjesë e shpërndarjes si informacion tek publiku me paramendimin që ta favorizoi një subjekt të caktuar kundrejt subjekteve tjera”, tha Fetoshi.
Kurse sipas njohësit të rrethanave politike Visar Xani, këto sondazhe shërbejnë më shumë për partitë politike.
“Sondazhet janë të lira dhe me shumë duhet të shërbejnë jo për qytetarët për të nxjerrë votat por për shërbyer në aspektin e brendshme partive politiek dhe në aspekt elektoral nuk do të duhej të ketë ndonjë ndikim”, tha Xani.
Sipas sondazhit të kompanisë UBO, Vetëvendosje do të fitojë 47.1%, e pasuar nga PDK me 19.5%.
Kurse në vendi i tretë në këtë sondazh renditet LDK-ja me 17.7 për qind dhe në vendin e katërt është AAK-ja me 6.5 për qind. /Teve1/
