Mbyllja e afatit kalimtar në Evropë nuk i dha fund zërave për të ardhmen e Cristiano Ronaldos në Manchester United.
Emri i portugezit është rikthyer sërish në lajme, pas një fillimi të sezonit ku ai nuk është aq i rëndësishëm te Manchester United.
Me Botërorin 2022 që po afrohet gjithnjë e më shumë, portugezi nuk dëshiron dhe nuk mund të përballojë të mos ketë minuta nëse shpreson të mbërrijë në Katar në ritmin më të mirë.
Fakti që nuk do të jetë në Evropë, pasi është nën kontratë me Manchester United , nuk do të thotë se ish- lojtari i Real Madridit i ka mbaruar mundësitë për të ndryshuar ekip dhe, më e rëndësishmja, kontinent.
Sipas CalcioMercato, një dritare e re është hapur për Ronaldon, në këtë rast, në Shtetet e Bashkuara.
Një ekip i MLS-së do të ishte i interesuar për nënshkrimin e portugezit Mësohet se skuadra në fjalë është Inter Miami i David Beckham.
Sepse klubi MLS do të priste që Cristiano të jetë në gjendje të negociojë një kontratë të re, pasi kontrata e tij me Djajtë e Kuq nuk skadon deri në qershor 2023.
Ronaldo, i cili mbush 38 vjeç në shkurt, mund të jetë i interesuar të provojë një aventurë të re jashtë Evropës.
Në MLS ai me siguri do të bëhej një nga nënshkrimet më të rëndësishme në historinë e ligës.
