Aktori Jeton Zogjani, njihet si kritik i fortë i pushteteve.
Së fundmi, “zakonin” e tij, Zogjani e ka vazhduar edhe me pushtetin e Albin Kurtit.
Në një intervistë dhënë lajmi.net, aktori në fjalë thotë se nuk e ka votuar kurrë Vetëvendosjen.
“Kurrë në jetë nuk e kam votu. Nuk do ta votoj asnjëherë”, thotë ai.
Për më tepër, pyet se ku ka qenë Kurti më përpara.
“M’fal, Albin Kurti, ku ka punu ma përpara?”, shprehet Zogjani. “Një njeri që nuk ka punu, nuk e di ndjesinë e punëtorit”.
“Unë menoj që Kosova nga paslufta është ndërtuar nga zeroja, ka hapësirë diskutimi a është ndërtuar gjithçka mirë a keq”, tha Zogjani.
Ai tha se askush nuk mund “ta luaj të verbërin” e të thotë se nuk ka pasur abuzime në të kaluarën, pasi që sipas tij kjo është evidente që ka ndodhur.
