Kandidati për deputet nga radhët e LDK-së me numrin 79, Besim Mulaj, ka vizituar Hyzer Gashin, prodhues i suksesshëm, pronar i disa kompanive me emër dhe njëherësh Kryetar i Odës Ekonomike Shqiptare.
Gjatë kësaj vizite, Mulaj është zotuar se do të angazhohet maksimalisht që të jetë zëri i munguar i bizneseve në Kuvendin e Kosovës.
Postimi i plotë:
Pata nderin dhe kënaqësinë të vizitoj z. Hyzer Gashi – prodhues i suksesshëm, pronar i disa kompanive me emër dhe njëherësh Kryetar i Odës Ekonomike Shqiptare.
Të bashkëbisedosh nga afër me një njohës të thellë të ekonomisë dhe ndërmarrësisë është vërtet privilegj. Përvoja, vizioni dhe qasja e tij ndaj biznesit dëshmojnë se suksesi nuk është rastësi, por rezultat i punës së palodhshme, guximit dhe përkushtimit afatgjatë.
Z. Gashi ka shkruar histori në Kosovë me bizneset e tij, duke qenë shembull frymëzimi për gjeneratat e reja dhe dëshmi se zhvillimi ekonomik ndërtohet mbi ide të qarta dhe veprime të guximshme.
Në këtë takim i premtova se do të angazhohem maksimalisht që të jem zëri i munguar i bizneseve në Kuvendin e Kosovës, duke përfaqësuar interesat e tyre me përgjegjësi dhe përkushtim.
#besimmulaj79 #LumirAbdixhiku1 #Ldk123
