Kandidati për deputet nga LDK-ja me numrin 79, Besim Mulaj, ka takuar banorët e Uçës, Zallqit dhe Dubravës të Istogut, të cilët i ka falënderuar për mbështetjen.
Ai ka bërë të ditur se para banorëve të këtyre fshatrave ka prezantuar programin e LDK-së për zgjedhjet e 28 dhjetorit.
“Gjatë bashkëbisedimit shpalosa një pjesë të programit të LDK-së për zgjedhjet e 28 dhjetorit, duke ndarë vizionin tonë për zhvillim, mirëqenie dhe qeverisje të përgjegjshme. Me bindje dhe përgjegjësi u zotova për angazhim maksimal në realizimin e kërkesave dhe shqetësimeve që u ngritën nga banorët”, ka njoftuar Mulaj.
Postimi i plotë:
Gjithmonë është privilegj t’u drejtohesh votuesve besnikë të LDK-së.
Sot pata kënaqësinë të bashkëbisedoj me banorët e Uçës, Zallqit dhe Dubravës – njerëz punëtorë, të sinqertë dhe me kërkesa të drejta.
Takimet u organizuan me mikpritjen e zakonshme të kryetarit Ferati, i cili edhe kësaj radhe dëshmoi përkushtimin dhe seriozitetin e tij ndaj qytetarëve.
Gjatë bashkëbisedimit shpalosa një pjesë të programit të LDK-së për zgjedhjet e 28 dhjetorit, duke ndarë vizionin tonë për zhvillim, mirëqenie dhe qeverisje të përgjegjshme.
Me bindje dhe përgjegjësi u zotova për angazhim maksimal në realizimin e kërkesave dhe shqetësimeve që u ngritën nga banorët. Besimi i tyre është motivi më i madh për të vazhduar punën me përkushtim dhe ndershmëri.
#besimmulaj79 #LumirAbdixhiku1 #Ldk123
