Në një atmosferë të jashtëzakonshme dhe plot energji, Lidhja Demokratike e Kosovës ka bërë prezantimin zyrtar të kandidatëve të saj për zgjedhjet e 28 dhjetorit. Ngjarja u karakterizua nga uniteti, vizioni dhe besimi i palëkundur në të ardhmen, duke reflektuar përgatitjen e LDK-së për garën zgjedhore.
Kandidati për deputet, Besim Mulaj, tha se prezantimi i kandidatëve ishte më shumë se një formalitet, duke e cilësuar atë si një mesazh të fuqishëm politik dhe programor për qytetarët e Kosovës.
“Kjo mbrëmje dëshmoi se LDK hyn në zgjedhje me njerëz të dëshmuar, me ide të qarta dhe me një program që synon zhvillim, drejtësi dhe mirëqenie për të gjithë,” u shpreh Mulaj.
Kryetari i LDK-së, Dr. Lumir Abdixhiku, prezantoi secilin kandidat me përkushtim, duke vënë në pah vlerat, profesionalizmin dhe përgjegjësinë që, sipas tij, LDK sjell para qytetarëve në këto zgjedhje.
Sipas Mulajt, kjo paraqitje dëshmon qartë se LDK është e gatshme të udhëheqë vendin me dinjitet dhe vizion, ndërsa 28 dhjetori shihet si një mundësi reale për ndryshim të vërtetë në Kosovë.
LDK ka theksuar se programi i saj zgjedhor fokusohet në zhvillim të qëndrueshëm, forcim të drejtësisë dhe rritje të mirëqenies për të gjithë qytetarët.
