6 vjet e 8 muaj burgim për të akuzuarin që shkaktoi aksidentin ku mbeti i vdekur kadeti i Policisë

Gjykata Themelore në Pejë e ka shpallur sot aktgjykimin lidhur me aksidentin tragjik që ndodhi në nëntor të vitit 2022, ku humbi jetën një kadet i Policisë së Kosovës.

Arton Duraku është dënuar me 6 vjet e 8 muaj burgim, ndërsa me 10 muaj burgim Nezir Duraku.

I akuzuari kryesor është dënuar për veprat penale “Rrezikimi i trafikut publik” dhe “Mosdhënia e ndihmës personit të lënduar në fatkeqësinë e trafikut publik”.

Kurse Nezir Duraku është dënuar për “Mosdhënia e ndihmës personit të lënduar në fatkeqësinë e trafikut publik”./Sinjali/