Shtëpia e aktorit fitues të çmimit Oscar, Sir Anthony Hopkins, është mes mijëra shtëpive të shkatërruara nga zjarret në Los Angeles, raportojnë mediat amerikane.
Ylli i lindur në Port Talbot postoi një mesazh në Instagram duke mbështetur ata që janë prekur, duke thënë: “E vetmja gjë që marrim me vete është dashuria që japim.”
87-vjeçari raportohet se ka humbur shtëpinë e tij në zjarrin e Pacific Palisades, më i madhi që po digjet në zonën e Los Angeles-it, duke shkatërruar mijëra struktura.
Mijëra zjarrfikës po përpiqen të frenojnë zjarret e shkaktuara nga erërat në Kaliforni, të cilat kanë vrarë 10 persona, kanë shkatërruar komunitete dhe kanë detyruar mijëra njerëz të largohen në panik nga pronat e tyre.
Hopkins, i cili fitoi çmimet Oscar për aktorin më të mirë për filmat The Silence of the Lambs në vitin 1991 dhe The Father 30 vite më vonë, shkroi: “Ndërsa të gjithë përpiqemi të shërohemi nga shkatërrimi i këtyre zjarreve, është e rëndësishme të kujtojmë se e vetmja gjë që marrim me vete është dashuria që japim.”
Ylli i reality show Paris Hilton, aktori i filmit When Harry Met Sally, Billy Crystal, tekstshkruesja fituese e çmimit Oscar Diane Warren, aktori i filmit The Princess Bride, Cary Elwes, moderatorja e talk show-t Ricki Lake dhe yjet e The Hills, Spencer Pratt dhe Heidi Montag, janë gjithashtu mes të famshmëve që kanë humbur shtëpitë e tyre nga zjarret.
