52 fluturime pritet të realizohen sot nga aeroporti “Adem Jashari”

Liberalizimi i vizave për kosovarët ka filluar të i japë efektet e veta. Pra të ikjes së qytetarëve nga vendi, për arsye të ndryshme.

Vetëm për sot (e diel) janë të planifikuara 52 fluturime, thuhet në orarin e planifikuar të fluturimeve, në drejtim të vendeve të ndryshme europiane e rajonale. Numri i udhëtarëve pritet të jetë me mijëra në këto fluturime.

Vlen të theksohet se në Kosovë ende një pjesë e mërgimtarëve po qëndrojnë, dhe se ditëve në vijim pritet që ata të kthehen në vendet ku jetojnë e punojnë.