- Advertisement -
Nëntë persona kanë mbetur të plagosur nga shpërthimi i granatës së dorës në Tregun e Kafshëve në Prizren.
Nga Spitali i Prizrenit, u kanë thënë mediave se ndihmë mjekësore kanë kërkuar 10 persona, shkruan lajmi.net.
Pesë nga ta, janë transferuar në QKUK në Prishtinë për trajtime të mëtutjeshme teksa pjesa tjetër janë liruar.
“Rreth orës 05:00 i kanë sjellë në Emergjencën e spitalit tonë. Janë dhjetë të lënduar, ku pesë prej tyre janë transferu për në QKUK dhe pesë janë liru në shtëpi”, tha mjeku kujdestar i Spitalit të Prizrenit.
Sipas detajeve të deritanishme, të plagosurit kanë marrë lëndime në gjoks dhe në qafë.
