Së fundi pësoi ndryshime kabineti i dy ministrive.
U emrëuan dy zëvëndësministra, njëri në dikasterin e Zhvillimit Rajonal dhe tjetri tek ai i Financave, Punës dhe Transfereve.
Sipas të dhënave nga Qeveria e Kosovës, prej 16 ministrive, rezulton se numri total i zëvendësministrave është 29.
Shumica prej dikastereve kanë nga dy zëvendësministra, përveç Ministrisë e Drejtësisë, e cila ka vetëm një zëvendësministër.
Shtimi i numrit të zëvendësministrave po shihet si keqpërdorim i parasë publike, sipas analistit, Tomor Avdia.
E politologu, Fidan Ukaj, lëvizjet në dikastere i vlerëson edhe si mospërmbushje e premtimit të Qeverisë Kurti për reduktim stafi.
Tek qeveritë e kalura, në vazhdimësi ishte kritikuar numri i madh i zëvendësministrave që kapërcente shifrat prej 60 zëvendësministra.
