24-vjetori i vrasjes së Shaban Manajt, Abdixhiku: Dhimbja mbetet e njëjtë pa zbardhjen e motivit dhe dënimin e atyre që kryen këtë akt barbar

Kryetari i Lidhjes Demokratike të Kosovës, Lumir Abdixhiku, ka përkujtuar intelektualin dhe veprimtarin Shaban Manaj, në 24-vjetorin e vrasjes.

Abdixhiku ka thënë se avokati Manaj punoi pa ndalur krah presidentit Rugova, duke mbetur në histori për veprimtarinë e tij të paharrueshme ndërgjenerata.

“Edhe pas 24 vjetëve, dhimbja mbetet e njëjtë për familjen Manaj, Lidhjen Demokratike dhe gjithë bashkëpunëtorët e Shaban Manajt pa zbardhjen e motivit dhe rrethanave të vrasjes së tij, si edhe dënimin e atyre që kryen këtë akt barbar. Lavdi jetës dhe veprës së Heroit Shaban Manaj”, ka thënë Abdixhiku.