Barcelona nuk e ka mbyllur derën për Robert Lewandowskin, por ka vendosur dy kushte të qarta që sulmuesi të vazhdojë në “Camp Nou”.
Në moshën 36-vjeçare, Lewandowski nuk pritet të jetë më titullar i pandryshueshëm. Barcelona e sheh si një “armë strategjike” për momentet kyçe dhe kërkon që ai të pranojë një rotacion më të theksuar, duke luajtur më pak ndeshje.
Kostoja aktuale e kontratës së tij është rreth 26 milionë euro bruto në vit, dhe kjo është e papranueshme për klubin. Barça kërkon që Lewandowski të pranojë një ulje të ndjeshme të rrogës, pothuajse në gjysmën e saj, për t’u përshtatur me rolin e ri.
Nëse ai pranon këto kushte, Barcelona do ta mbajë. Nëse jo, klubi nuk do ta detyrojë dhe do të lejojë që të largohet. Vendimi tani është në dorën e lojtarit.
