12-vjeçari me emrin Benjamin nga Zvicra e mori një vezë prej çokollate në një dyqan në San Marino dhe e futi në xhep.
Pas veprimit që ka bërë, djaloshin i ka rënë pishman dhe vendosi t’i shkruante një letër shitësit duke i kërkuar falje për veprimet e tij, raporton Blick.ch.
Menaxheri i dyqanit Danilo Chiaruzzi e publikoi letrën së bashku me një kartëmonedhë 10 euro në faqen e tij në Facebook të mërkurën.
“Fatkeqësisht asgjë nuk më befason më pas asaj që kemi përjetuar në vitet e fundit. Por sot ndërrova mendje”, ka shkruar pronari.
Në letër Benjamin kishte shkruar se vezën e çokollatës në vlerë 2.10 euro e ka vjedhur pasi nuk kishte para.
“Më vjen shumë keq dhe e di që kjo është e gabuar. Sepse dua të bëj paqe me Zotin tim dhe me ty, do të të jap 10 euro si dëmshpërblim”, ka shkruar 12 vjeçari.
