Analisti i njohur politik, Agron Demi, ka reaguar për zhvillimet e fundit brenda Partisë Demokratike të Kosovës, duke shprehur mbështetje simbolike për kryetarin aktual të Drenasit, Ramiz Lladrovci.
Në një postim të tijin, Demi shkruan: “Sot simpatia jeme shkon për Ramiz Lladrovcin. Jo që partia e tij nuk e nominoj, por shkoj edhe e kthej Lushtakun për kandidat për kryetar komune, duke tregu që reformat e ftyrat e reja në këtë parti janë veç fasadë, ngase vendimmarrja e vërtetë akoma qëndron tek ata që hapin dyer me shkelma, uzurpojnë e kërcënojnë”.
Deklarata e Demit vjen pas vendimit të Kryesisë së PDK-së për të mos e nominuar Lladrovcin për një mandat të ri.
Sipas Demit, ky vendim është dëshmi që vendimmarrja reale në PDK vazhdon të mbetet në duart e strukturave të vjetra, ndërsa përpjekjet për reforma dhe përfshirje të figurave të reja janë vetëm sipërfaqësore.
