Ministri i Mbrojtjes, Armend Mehaj ka thënë se Kosova është krenare që është rreshtuar në botën demokratike kundër agresionit rus në 1 vjetorin e luftës në Ukrainë.
Mehaj ka thënë se faji i vetëm i Ukrainës ishte sepse u përcaktuan që fati i tyre politik të jetë demokracia, BE dhe NATO.
“Më 24 shkurt 2022 Rusia filloi sulmin e paprovokuar ndaj Ukrainës.
I vetmi “faj” i Ukrainës ishte sepse u përcaktuan që fati i tyre politik të jetë demorkacia, BE dhe NATO.
Edhe pas një viti forcat okupatore Ruse vazhdojnë luftën kriminale dhe shkatërrimin e Ukrainës, ndërsa Ukraina vazhdon rezistencën heroike për çlirim të plotë nga okupatori.
Kosova është krenare që u rreshtua me botën demokratike kundër agresionit Rus. Jemi të perkushtuar të vazhdojmë mbështetjen e Ukrainës në kuadër të Grupit të Kontaktit për Ukrainën, ku jemi anëtar krah për krah me aleatët tanë nga NATO dhe BE.
Regjimet autokratike mbesin kërcnim për paqen kudo në botë, por edhe në rajonin tonë. Serbia me regjimin e saj autokratik mbetet aleati i vetëm i Rusisë në fqinjësinë tonë. Por, edhe ne mbesim të palëkundur në orietimin tonë drejt NATO-së dhe BE-së.
Mbesim me besim të plotë se e mira do të triumfoj mbi të keqen dhe se Ukraina do të dalë fitimtare në të drejten e saj dhe popullit të saj.
Ne qëndrojmë me Ukrainën” shkruan Mehaj në reagim.
