Ministri i Financave, Punës dhe Transfereve, Hekuran Murati përmes një konference për media ka folur në lidhje me rezultatet e punës së ATK-së për gjashtë mujorin e këtij viti.

Ai me këtë rast i ka përgëzuar stafin e ATK-së si dhe qytetarët për këtë arritje.

“I përgëzoj ATK dhe stafin për arritjet në gjashtë mujor, po ashtu edhe tatim paguesit sepse janë ata që e mbajnë shtetin dhe ATK-në në këmbë, secili që paguan me rregull është kontribuues i këtij shteti”, ka thënë ai.

Tutje, Murati u shpreh se për të rritur suksesin e ATK-së dhe shtetit duhet të ketë besim në institucione.

“Çdo cent që mblidhet nga shteti kthehet te qytetari. Njësoj siç bëhet lajm për parkimin e veturës keq, bëhet lajm edhe kur nuk lëshohet kuponi fiskal nga biznesi”. /EO