Gara për Çmimin e Madh të Francës pritet ta shohë skuadrën e Mercedes më kompetitive sesa asnjëherë tjetër këtë sezon.

Edhe shefi i Red Bull në F1, Christian Horner pret që W13 të jetë në performancë më të mirë sesa garat tjera.

“Ne presim që ata të jenë të shpejtë në ‘Paul Ricard’. Ata kanë treguar sekuenca të mira nëpër garat e mëparshme. Dy garat e fundit kanë qenë goxha të mira për ta. Nuk ka pasur shenja të problemeve. Ata duket se po kthehen në garë”, ka thënë Horner.

“Ata vazhdimisht marrin pikë. Ndonjëherë të ketë më shumë bolidë në garë është gjë e mirë, ndonjëherë mund të jetë keq. Por, unë mendoj për tifozët. Është e shkëlqyer të kemi gjashtë bolidë në garë për fitore”, shtoi shefi i Red Bull.

Skuadra e Mercedes akoma nuk ka marrë ndonjë fitore këtë edicion në Formula 1. Lewis Hamilton e George Russell kërkojnë një të tillë në Francë. Ferrari e Red Bull do të jenë përsëri aty, të gjithë me synim te pozita e parë.