Zëdhënësi i Qeverisë së Kosovës Përparim Kryziu, ka numëruar të arriturat e Qeverisë Kurti për javën që lamë pas. Ai ka radhitur pesë ngjarjet kryesore, ndër të cilat ka përmendur Miratimin e Projektligjit për zyrtarë Publik,  subvencionimin e dyfishtë për ata që kursejnë energjinë elektrike si dhe mbledhjen e përbashkët të Kuvendit të Republikës së Kosovës dhe atij të Shqipërisë, të mbajtur për nder të 28 Nëntorit.

Postimi i Kryeziut:

Pesë nga ngjarjet kryesore të javës që lëmë pas:

U miratuan në Qeveri projektligji për Zyrtarë Publikë dhe ai për Paga në Sektorin Publik, dhe u proceduan për në Kuvend të Kosovës. Projektligji për Paga parashihet të hyjë në fuqi një muaj pas publikimit në Gazetën Zyrtare.

Filloi subvencionimi i dyfishtë për ata që kursejnë energjinë elektrike. Për muajin shtator, kriterin për subvencion e kanë përmbushur 167,571 konsumatorë rezidencialë të energjisë elektrike.

Dy milionë euro për dy mijë bursa për studentë në fushat e STEM. Dyfishim në shumë të buxhetit. Dyfishim në numër të përfituesve. Edhe këtë vit po vazhdon mbështetja financiare për vajzat dhe gratë në fushat e Shkencës, Teknologjisë, Inxhinierisë dhe Matematikës të arsimin e lartë.

U ndan 43 bursa për studentë të doktoratës që studiojnë në top 500 universitetet botërore. Studentët e përzgjedhur do të përfitojnë bursa në shumë prej 8,500 euro.

Për nder të 28 Nëntorit, në 110-vjetorin e Ditës së Flamurit, për herë të parë Kuvendi i Republikës së Kosovës dhe Kuvendi i Republikës së Shqipërisë mbajtën mbledhje të përbashkët