Zëdhënësi i AAK-së, Lulëzim Blaka ka reaguar pas votimit pro rezolutës për ndalimin e referendumit kushtetues të Serbisë në Kosovë, rezolutë të cilën AAK i dha mbështetje.

Postimi i plotë

Deputetët e Kuvendit të Kosovës përtej dallimeve politike, dje e mbrojtën betimin e dhënë për të mbrojtur Kushtetutën dhe sovranitetin. Kosova është më e madhe se partitë politike. Opozita ka përgjegjësi morale e politike që në momente të caktuara të rreshtohet drejtë, e jo të bashkohet me ata që e cenojnë kushtetutshmërinë e vendit tonë.