Edhe pse kanë kaluar 23 vite nga lufta në Kosovë, ish-komandanti i Njësisë Speciale të UÇK-së, Bekim Shyti, para pak muajsh iu nënshtrua operacionit për t’i hequr copat e granatës që i kishin mbetur që nga koha e luftës, shkruan GazetaBlic.

Shyti, tash pas 23 viteve shpreh pakënaqësi për trajtimin e veteranëve nga Qeveria e Kosovës.

Ai i thotë Gazetës Blic se është e turpshme mënyra se si po trajtohen veteranët.

Sipas tij, nuk duhet të bëhet temë diskutimi mbështetja për ata që sollën lirin e vendit.

“Në kontekste historike vazhdimisht kemi ra pre e intrigava të shërbimeve të armikut dhe heronjët i kem shëndrru në tradhëtar. Është e turpshme të bëhet temë diskutimi dhe  mbështetja për ata që e kanë rrezikuar jetën e vetë për lirin e Kosovës”, thotë Shyti.

E në orët e mëngjesit forca të shumta të Policisë së Kosovës kanë rrethuar objektin e Kuvendit të Kosovës për të ofruar siguri.

Më 14 qershor, me 68 vota për, asnjë kundër dhe gjashtë abstenim deputetët e Kuvendit të Kosovës kanë miratuar në parim Projektligjin për pagën minimale.

Projektligji parasheh ndryshimin dhe plotësimin e ligjeve që përcaktojnë shumën e beneficionit në lartësi të pagës minimale, procedurat e caktimit të pagës minimale dhe shkallët tatimore në të ardhurat personale vjetore.

Për këtë ishte debatuar shumë kohëve të fundit pasi pensionet e veteranëve nuk ishin përfshirë në Projektligj.