Policia e Kosovës ka arrestuar një person të dyshimtë, pasi që i njëjti kishte kanosur duke i drejtuar armën viktimën.

Viktima ka tentuar që të largonte armën nga duart e të dyshuarit, me ç’rast arma kishte shkrepur.

“Në vendin e ngjarjes në cilësi të provave materiale është gjetur dhe konfiskuar një gëzhojë e armës së zjarrit”, thuhet në njoftimin për media.

Sipas njoftimit, gjatë kontrollit në shtëpinë e të dyshuarit është gjetur dhe konfiskuar një pistoletë.

Me vendim të prokurorit i dyshuari është dërguar në mbajtje./Scanner/