Çifti i sapo ribashkuar Sylvester Stallone dhe Jennifer Flavin u panë mjaft të dashuruar , teksa shijuan një darkë romantike, së bashku.

Ylli i “Rocky” dhe 54-vjeçarja, u fotografuan të buzëqeshur krah njëri-tjetrit, teksa shihen  duke u larguar nga restoranti i Ralph Lauren, në New York.

76-vjeçari u shfaq i veshur mjaft shik me një kostum blu ndërsa bashkëshortja e tij , Jennifer  dukej mjaft elegante e veshur me një fustan të zi , të cilën e kishte kombinuar me një çantë të zezë dore.

Një muaj më parë, Jennifer flavin bëri kërkesën për divorc nga aktori. Sipas page six,  në dokumentet gjyqësore , 54-vjecarja kishte deklaruar se martesa e saj 25-vjeçare ishte shkëputur në mënyrë të pakthyeshme, dhe shkak për këtë u bë  një grindje e madhe mes çiftit për blerjen e qenit të ri të aktorit.

Sylvester Stallone dhe Jennifer Flavin janë martuar në maji të vitit 1997, nga ku dyshja kanë edhe tre vajza së bashku.