Dita e sotme është shumë e rëndësishme për të ardhmen e Leandro Paredes te Juventusi.

Sipas “Tuttosport” raportohet se ditën e sotme do të ketë një takim mes drejtuesve të Juventusit dhe PSG-së për kalimin e lojtarit në Serie A.

Argjentinasi është gati për tu nisur për Torino ku mund të fillojë me vizitat mjekësore nëse gjithçka mes dy klubeve arrihet, ku po punohet për huazimin e lojtarit me “Zonjën e Vjetër” që ka të drejtën e blerjes së kartonit në fund të sezonit.