Danimarka i ka dhënë leksione kombëtares së Francës.

Danimarka ka shënuar një fitore me rezultat 2:0 përballë kampionëve të botës, Francës.

Danezët kaluan në epërsi në minutën e 34’, kur Kasper Dolberg dërgoi topin në rrjetë, pasi u asistua nga Gamsgaard.

Vetëm pesë minuta më vonë, Danimarka i dha Francës edhe goditjen e dytë, duke shënuar me Skov Olsen, i cili pranoi një pasim nga Delaney.

Me këto dy gola të shpejta u vendos fati i takimit.

Danimarka me këtë fitore shkon në kuotën e 12 pikëve, dhe mban pozitën e dytë, pas Kroacisë.

Franca mbetet në pozitën e tretë me pesë pikë, një më shumë sesa Austria që mban pozitën e fundit.